Í kapphlaupi við aldurstakmarkanir

Það hefur einkennt ævi mína að stórum hluta, að eltast við að ná tilsettum aldri til ýmissa gjörða. Þegar ég var ponsulítil stelpa á egilsstöðum beið ég í ofvæni eftir því að mega fara í félagsmiðstöðina okkar. Þegar ég komst loksins í 5.bekk (tilsettur aldur) var viðmiðinu breytt í 6.bekk. Jæja, ég og minn árgangur þraukuðum í ár en viti menn, þegar við náðum 11 ára aldrinum, þá voru það bara 7.bekkingar sem máttu nota félagsmiðstöðina. Þegar ég svo loksins náði að krafsa mig uppúr 6.bekk, þá var reglunum breytt enn aftur og við máttum jú koma, en ekki á kvöldin. Kvöldin voru fyrir stóóru krakkana. Þessi litla dæmisaga lýsir mínu lífi algjörlega, og situr pikkföst í minningunni.

Svo komst maður náttúrulega aldrei inná böllin í valaskjálf (18 ára aldurstakmark). Um áramótin 2005-2006 (18.aldursárið mitt að ganga í garð) LOKAÐI síðan valaskjálf! Týpískt. Ég held að það hvíli bölvun á árganginum 1988. Ég yrði ekki hissa þó áfengisaldurinn myndi hækka í 35 ár á morgun og bílprófið yrði tekið af öllum undir 25 ára..

Reyndar get ég ekki alhæft þetta, því ég fékk jú bílprófið 17 ára og sjálfræðið 18 ára. En núna styttist í tvítugsafmæli mitt og ég hef lengi haldið því fram að 20 ára afmælið séu tímamótin þegar ekkert er bannað lengur. Ég má gera allt þegar ég er 20 ára.

Eeeen nei, ég má eekki tjalda á akranesi og ég má ekki fara inná hressó (ef ákveðnir aðilar eru þar að störfum).

En.. ef 23 ára einstaklingar eru svona rosalega fullorðnir að mega tjalda þarna eftirlitslaust, eru þeir þá ekki "fullorðnum" as in "..í fylgd með fullorðnum". Ég finn mér þá bara einhvern heitan 23 ára gæja og læt hann tjalda fyrir mig.. ekki vaaandamálið!

 

p.s. af því ég er nú að tala um þennan afstæða aldur... það á að hafa 18 ára aldurinn sem viðmiðun alls. Áfengis-, sjálfræðis-, fjárræðis- og bílprófsaldur. Allt átján ára takk fyrir.

Yngri en 23 ára bannað að tjalda nema í fylgd með fullorðnum